Расман: "Аякс" Окампосни сотиб олиш ҳуқуқи билан ижарага олди
01 сен 2022 10:50
Янгиликлар

Расман: "Аякс" Окампосни сотиб олиш ҳуқуқи билан ижарага олди

Амстердамнинг "Аякс" клуби Испаниянинг "Севилья" жамоаси билан вингер Лукас Окампос трансфери бўйича келишувга эришди. Бу ҳақда клуб расмий сайти хабар берди.

Аргентиналик футболчи 2023 йилнинг 30 июнига қадар ижарага берилди. "Аякс" ижара муддати тугагач, Окампосни сотиб олиш ҳуқуқига эга. Лукас амстердамликлар учун Англиянинг "Манчестер Юнайтед"ига ўтган Антони ўрнига асосий мақсад эди.

Окампос 2019 йилда "Марсел"дан "Севилья"га ўтганди. Умуман олганда, у "Севилья" сафида барча мусобақаларда 135 та ўйин ўтказиб, 34 та гол урган ва 15 та голли узатмани амалга оширган. У жорий мавсум 3 та ўйинда майдонга тушди, аммо гол ура олмади. 28 ёшли ҳужумчи Аргентина терма жамоаси футболчиси ҳисобланади.

Ҳавола :

Манба : english.ajax.nl

Янгиликларни Телеграмда ўқинг!

Рейтинг: +3