Ракитич қайси клубга ўтишни орзу қилишини айтди

"Барселона" хавбеки Иван Ракитич "Севилья"га ўтиши борасидаги миш-мишларга изоҳ билдирди.

"Менинг "Севилья" билан, айниқса шаҳар билан алоҳида муносабатларим бор, сабаби оилам ўша ерда. Мен доим бу клубнинг либосини яна кийишни орзу қилишимни айтаман, ҳамма буни билади, аммо бу менинг қароримга боғлиқ эмас.

Мончи ва "Севилья"даги бошқаларда менинг рақамим бор, аммо улар ҳали қўнғироқ қилишмади, бундан ташқари яқинда туғилган куним бўлиб ўтди, аммо Мончи қўнғироқ қилмади", - дейди Ракитич.