Қўқонда хотира турнири старт олди
20 май 2019 17:18
Янгиликлар
Қўқонда хотира турнири старт олди
Шаҳарда турли ёшдаги болалар ўртасида футбол турнирлари ўтказиш анъанага айланиб бормоқда.
Бугун Қўқонда “9-май хотира ва қадрлаш куни” муносабати билан футбол академиялари, профессионал футбол клублари тасарруфидаги футбол мактаблари ҳамда спорт мактабларининг футбол бўлими тарбияланувчилари ўртасида , “Қўқон-1912” (Темирйўлчи) жамоасининг собиқ футболчиси ва ички ишлар ходими, марҳум Назаров Аброр Ўлмасович хотирасига бағишланган турнир старт олди. Мусобақада 2007-2010 йилларда туғилган болалардан иборат 6 жамоа иштирок этмоқда. “Қўқон-1912”, “Кимёгар” (Қўқон), “Дўстлик” (Тўрақўрғон), “Яйпан” (Яйпан), “Фаровон” (Марғилон) ҳамда “Парвоз”(Учкўприк) жамоалари 4 кун мобайнида ғолиблик учун кураш олиб борадилар. Мусобақада ҳар бир жамоа иккитадан таркиб билан иштирок этишмоқда.
Бугун мусобақада дастлабки ўйинлар бўлиб ўтди. Учрашувларда қуйидаги натижалар қайд этилди.
“Қўқон1912” – “Кимёгар” 3-0 (2007-2008 йиллар)
“Фаровон” – “Парвоз” 3-0 (2009-2010 йиллар)
“Парвоз” – “Фаровон” 1-0 (2007-2008 йиллар)
“Дўстлик” – “Қўқон-1912” 1-0 (2009-2010 йиллар)
“Қўқон-1912” – “Дўстлик” 4-0 (2007-2008 йиллар)
Учрашувлар Қўқон шаҳридаги “Маиший” коллежига қарашли стадионда бўлиб ўтмоқда.
Қуйида мусобақанинг дастлабки кунидан олинган суратларни томоша қилинг.
Акрамжон Мамадалиев тайёрлади.
Суратлар муаллифи Комилжон Хамидов.










Ўхшаш янгиликлар
championat.asia
Суперлига. "Бухоро" ўз уйида бир киши кам "Нефтчи"дан очко тортиб олди
Суперлига. Чемпионлик учун курашаётган "Насаф" ўз майдонида "Машъал"га мағлуб бўлди
ЖЧ U-17. Ўзбекистон Ирландияга имкониятни бой берди
ЕЧЛ. Драматик кечган ўйинда "Барселона" меҳмонда "Брюгге" билан дуранг ўйнади
Фикрлар