"Қўқон-1912": "Шўртан"га қарши тайёргарлик бошланди
09 ноя 2016 22:23
Янгиликлар

"Қўқон-1912": "Шўртан"га қарши тайёргарлик бошланди

Теглар : Қўқон-1912 Шўртан

Ўзбекистон миллий терма жамоасининг жаҳон чемпионати саралаш босқичидаги ўйини сабаб, олий лигада қисқа танаффус юзага келган.

Ушбу танаффусдан унумли фойдаланишни мақсад қилган жамоамиз футболчилари 8-ноябрь кунидан бошлаб, навбатдаги турда бўладиган “Шўртан” жамоасига қарши учрашувга тайёргарликни бошлаб юборишди.

Футболчиларимиз Чирчиқ шаҳрида ўқув машғулотларини олиб боришмоқда. Машғулотларни Нўьмон Хасанов бошчилигидаги мураббийлар штаби кунига икки маҳалдан ўтказишмоқда. Чирчиқдаги йиғинда жароҳати боис Отабек Ҳайдаров ва Отабек Зокировлар иштирок этишмаяпти. Шунингдек Достонбек Турсунов Ўзбекистон U-22 терма жамоаси йиғинига чақирилгани боис жамоамиз ихтиёрида эмас. Қолган барча футболчилар соғ-саломат, улар машғулотларда фоал иштирок этишмоқда.

Футболчиларимиз “Шўртан” билан бўладиган учрашувга қадар Чирчиқ шаҳрида шуғулланишади.Жамоамизнинг навбатдаги турдаги “Шўртан” жамоасига қарши ўйини, 18-ноябрь куни Ғузор шаҳрида бўлиб ўтади.

Ҳавола :

Манба : kokand1912.uz

Янгиликларни Телеграмда ўқинг!

Рейтинг: +4