ПРО-Лига, “Б” гуруҳи. 6-турда Олтиариқда байрам

Одатга кўра, тур якунлари бўйича мухлисларнинг стадионга ташрифи борасида сарҳисобни эътиборингизга ҳавола этамиз.

Афсуски ПРО-Лиганинг “Б” гуруҳидаги ўйинларга томошабиндарнинг қизиқиши жуда ҳам паст даражада бўлмоқда. Ваҳоланки айрим жамоалар стадионга киришни бепул қилиб белгилаган. Шунга қарамай, ишқибозларнинг ташрифи баъзида 1000дан ҳам ошмаяпти.

Хусусан, 6-турнинг 4та ўйинига жами 4086 нафар мухлис кирган. Бу ҳар бир баҳсга ўртача 1021 томошабин демакдир.

Энг кўп ишқибоз кузатган учрашув “Ифтихор” – “Локомотив-БФК” бўлди. Олтиариқдаги ўйинга 2386 одам киргани, учрашув қайдномасида кўрсатиб ўтилган. Афсуски ушбу рақамлар турнинг энг юқори кўрсаткичи бўлиб тарихда қоладиган бўлди.

Аксинча энг кам ишқибоз ташриф буюрган баҳс эса “Нурафшон” – “Ёзёвон” бўлди. Лига дебютанти Тошкент вилоятининг “Нурафшон” жамоаси ҳали бери ўз мухлисларини топиб улгурмагани билиниб турибди.

Бундан ташқари Самарқанд ва Бухоро вилоятларида бўлиб ўтаётган ўйинларга ҳам томошабинлар ташрифи 1000дан ҳам ортмаяпти.

Томошабинлар ташрифи кимда қандай?

“ИФТИХОР” – “ЛОКОМОТИВ-БФК” – 1:0 (0:0).
Олтиариқ шаҳри. “Марказий” стадион. 2386 томошабин.

“ШЕРДОР” – “ХОТИРА-79” – 3:1 (2:0).
Самарқанд шаҳри. “Динамо” стадиони. 203 томошабин.

“НУРАФШОН” – “ЁЗЁВОН” – 2:0 (2:0).
Тошкент вилояти. “Дўстлик” стадиони. 152 томошабин.

“ЗОМИН” – “ҒИЖДУВОН” – 1:0 (0:0).
Зомин шаҳри. “Марказий” стадион. 1345 томошабин.