UZ

Сўнгги янгиликлар

12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  0 11:56Тимур Кападзе Паулу Бенту ҳақида фикр билдирди  15 11:44Карлуш Кейруш: "Бир неча йил аввал Ўзбекистон футболи "уйқу"да эди"  6 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  4 10:53Довбик А Сериянинг бошқа жамоасига ўтишга яқин  2 10:28Хави Симонс фаолиятини АПЛда давом эттиради (Фабрицио Романо)  4 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1 08:56"Ньюкасл" Исакнинг ўрнига Германиядан ҳужумчи олиб келади  7 08:30"Ньюкасл" Исакни "Ливерпул"га сотишга рози бўлди  2 08:02Sofascore. Кечаги учрашувда Шомуродов ва Файзуллаев неча баҳога лойиқ кўрилди?  46 07:28Аморим энг ёмон натижани қайд этмоқда  5 01:51Расман: Оле-Гуннар Сульшер истеъфога чиқарилди  2 01:30Отабек Боймуродов: "Ҳар бир рақиб учун алоҳида тайёрланамиз"  5

Петр Сегрт: "Тожикистонга бошимизни тик тутиб қайтамиз" Янгиликлар

Петр Сегрт: "Тожикистонга бошимизни тик тутиб қайтамиз"

Осиё кубоги чорак финал баҳсларидан ўрин олган Тожикистон ва Иордания ўртасидаги ўйиндан сўнг, тожикистонликлар бош мураббийи Петр Сегрт матбуот анжуманида қатнашди.

- Жаноб Сегрт, ўйин ҳақидаги фикрингиз қандай?

- Иордания ғалабага лойиқ эди. Бугун улар биздан кўра яхшироқ ўйнашди. Биринчи бўлимда кўп вазиятларни йўққа чиқардик. Тожикистонлик футболчиларга яна бир бор раҳмат айтмоқчиман. Улар бу турнирда борларини беришди. 

- Тожикистон Осиё кубогида барчани ҳайратга солди. Бугун Иорданияга мағлуб бўлдингиз, лекин Жаҳон чемпионати саралашида реванш олиш учун яхши имконият бўлади...

- Бугун имкониятлар 50 га 50 эди. Гол ўтказиб юборган вазиятимизда бироз омадимиз келмай қолди. Тожикистон бу турнирнинг сюрпризи бўлди. Жаҳон чемпионати саралаши биз учун жуда муҳим. Лекин бу пайтга қадар келажагим борасида баъзи қарорларни қабул қилишим керак. Ўзимни тиклаб олиш учун Европага йўл оламан. Тожикистон терма жамоаси эса Саудия Арабистони ва Иорданияга қарши баҳсларга ҳар қандай ҳолатда ҳам жиддий тайёргарлик кўради. Тожикистонлик ўйинчиларнинг бу мусобақадаги иштирокига алоҳида тасанно.

- Иордания термасининг бош мураббийи ҳақида фикрингиз қандай? Ярим финалда Иорданияга Австралия тўғри келгани яхшими ёки Корея Республикаси?

- Иорданияда ажойиб мураббий бор, мухлислар ҳам ўзгача. Австралия ёки Корея Республикасидан ким уларга қулайроқ эканини мен эмас, фақат уларнинг бош мураббийи айтиши мумкин.

- Жаноб Сегрт, мусобақадаги ажойиб иштирок билан табриклайман. Кейинги режаларингиз ҳақида гапирсангиз? Жамоада қоласизми?

- 10 февраль куни шартномам якунига етади. Ўзимга бироз энергия тўплашим керак. Тожикистон федерацияси билан гаплашиб олганимдан сўнг бир нарса дея оламан.

- Умуман мусобақа давомида Тожикистон терма жамоаси ажойиб лаҳзаларни бошдан ўтказди. Осиё кубогидаги умумий иштирок ҳақида гапирсангиз?

- Бу Осиё кубогида иккита финалда қатнашдик. Ливан ва БААга қарши учрашувларни назарда тутяпман. Бу ўйинлардаги ғалабани мусобақа чемпиони бўлгандек нишонладик. Бугунги ўйинда кучлироқ жамоа ғалаба қозонди. Балки, эртага турнирдаги умумий иштирокимизни яна бир бор байрам қилармиз. Тожикистон бугун уйга қайтади, лекин биз бошимизни тик тутиб ватанимизга қайтамиз.

- Осиё кубогида сизни соғинамиз, жаноб Сегрт. Ўйиннинг охирларида Тожикистон терма жамоасига нима бўлди? Ҳисобни тенглаштиришга уриниш жамоада кўзга ташланмади?

- Баҳс бошида энг тезкор ҳужумчимизни йўқотдик. Шу ҳолат бизни ритмдан чиқариб юборди. Жароҳатланган футболчимизнинг ўрнига тушган ўйинчи қизиб олишга улгурмай, майдонга тушиб кетди. Бу мусобақада имкониятимиз чекланган эди, аммо кафолат бериб айта оламанки, бугун футболчиларимиз охирги дақиқагача курашишди. 

- Мусобақадаги иштирокингизга 10 баллик шкалада қандай баҳолаган бўлардингиз?

- Тожикистон футболи ўсишга эришмоқда. Бугунги натижа ҳам буни айтиб турибди. Мен сизга бир воқеани айтиб бераман. Тожикистон терма жамоа билан шартнома имзолаш имдан бироз аввал яқин дўстим саратон касаллигига чалинди. Унининг менга айтган охирги сўзлари шундай эди: "Сен Тожикистонни ФИФА рейтингида кучли 100 жамоа сафига олиб киришинг керак. Бу мусобақадан олдин биз 106-ўринда эдик. Осиё кубогида қандай иштирок этганимизни эса кўрдингиз. Бу турнир биз учун энг яхши дамларни тақдим этди.

Рейтинг: +26   

Фикрлар

championat.asia
< сўнгги янгиликларни кўриш
Яндекс.Метрика