"Пахтакор"дан ҳеч бир жабҳада қолишганимиз йўқ, олдимда фақат тепиш танлови қолганди" — "Нефтчи"нинг кечаги оқшомдаги қаҳрамони
06 авг 2023 16:10
Янгиликлар

"Пахтакор"дан ҳеч бир жабҳада қолишганимиз йўқ, олдимда фақат тепиш танлови қолганди" — "Нефтчи"нинг кечаги оқшомдаги қаҳрамони

Фарғонанинг "Нефтчи" жамоаси кеча Суперлига 15-турида Тошкентда "Пахтакор" меҳмони бўлди.

Учрашувда Диёр Туропов томонидан урилган ягона гол "Нефтчи"га ғалаба келтирди. Ушбу беллашувдан сўнг кечаги оқшомнинг бош қаҳрамонининг фикрларини тингладик.

"Пахтакор"дан ҳеч бир жабҳада қолишганимиз йўқ. Икки мураббий ҳам тактикага кўпроқ эътибор қаратди. Қайсидир маънода масъулиятли ўйин эди. Ўйлашимча, ўйин битта голгача эди. Амалда ҳам шундай бўлди.
"Навбаҳор"нинг дуранг ўйнаганига эмас "Пахтакор"ни ютишга эътибор қаратдик. Ўз ўйинимизни ўйладик. Ҳақли 3 очкога эга чиқдик, дея оламан.
Гол урган вазиятимда тепиш учун қулай фурсат бор эди. Олдинда ўйинчиларимиз камлиги учун фақат зарба бериш танлови қолганди",- дейди Диёр Туропов.

Абдулазиз Искандаров ёзиб олди

Ҳавола :

Манба : championat.asia

Янгиликларни Телеграмда ўқинг!

Рейтинг: +10