"Пахтакор" футболчиси Қозоғистон клубига ижарага берилмоқда

Championat.asia сайти маълумотига кўра, 21 ёшли Асқаров Қозоғистоннинг "Турон" клубига ижарага берилади.

Беҳрузбек Асқаров 2023 йилги U-20 Осиё кубоги чемпиони, 2024 йил Париж Олимпиадаси иштирокчиси ҳисобланади. Ўтган мавсум "Пахтакор" сафида барча мусобақаларда 25 та ўйинда майдонга тушиб, 1 та гол урди ва 1 та голли узатамани амалга оширди.

Туркистон шаҳрининг "Турон" клуби бошланаётган мавсумда ўз олдига катта мақсадларни қўймоқда. Таркибга бир қатор ўзбекистонлик ҳамда мухлисларимизга яхши таниш бўлган футболчилар жалб қилинмоқда. Рўйхатга эътибор қилинг:

Одил Абдумажидов
Хуршидбек Мухторов
Василий Совпель
Абинур Нуримбет
Лука Згурский
Беҳрузбек Асқаров

"Турон"ни айни пайтда беларуслик мураббий Виталий Жуковский бошқармоқда.