UZ

Сўнгги янгиликлар

01:23Германия. "Боруссия" М кутилмаганда "Фрайбург" майдонида ютқазиб қўйди  0 00:55А Серияда ҳам 5 ўзгаришга рухсат беришди  0 00:22Остон Ўрунов - Европа лигаси мақсади, Самвел Бабаян, "Локомотив"да пайдо бўлган одати ва бошқалар ҳақида  7 23:43Крауч, Роналду, Рамос, Бэйл рамзий термадан ўрин олди  4 23:11Шевченко Украина термаси билан шартномасини 2,5 йилга узайтиради  0 22:57Санчо ГФЛнинг хабарига ёзган твитини ўчириб ташлади  0 22:43Германия чемпионати. "Фрайбург" – "Боруссия" М. Асосий таркиблар маълум!  0 22:12"Бунёдкор" ўртоқлик учрашуви ўтказди  2 22:02Санчо ҳамда Аканжи жиддий тарзда жазоланди  0 22:01Про-лига-2020. Мавсум 3 июль куни старт олади. Тўлиқ тақвим билан танишинг   3 21:43АГМК назорат ўйинида ғалаба қозонди, Мате Ватсадзе хет-трик қайд этди  0 21:31МЮ "Вулверхэмптон" футболчиси билан шартнома имзолашга яқин турибди  3 21:14Флик: "Вернер ажойиб футболчи, "Челси"ни табриклайман"  13 20:54"Локомотив" қувноқ кайфиятда машғулотни давом эттирмоқда   5 20:39ОАВ: Вернернинг янги жамоаси номи маълум!  14

ЎзПФЛ комиссарлари учун семинар ташкил этилди Янгиликлар

ЎзПФЛ комиссарлари учун семинар ташкил этилди

Замонавий футболда клублар ҳамда терма жамоалар иштирокидаги учрашувларни юқори даражада ташкил этишда комиссарларнинг ўрни ниҳоятда муҳим саналади.

Шу боисдан ФИФА ҳам, Осиё футбол конфедерацияси ҳам малакали учрашув комиссарларини тайёрлаш, уларнинг билим ва кўникмаларини мунтазам ошириб боришга ҳаракат қилади.

Олдинроқ хабар берганимиздек, ўтган ҳафтада қитъа футбол конфедерацияси ФИФА билан ҳамкорликда комиссарлар учун семинар ташкил этган ва унда бир қатор ўзбекистонлик мутахассислар ҳам қатнашишган эди.



24-25 июль кунлари эса Ўзбекистон футбол ассоциацияси ва Профессионал футбол лигаси ҳам миллий чемпионатимиз учрашувларида фаолият олиб борадиган комиссарлар учун биринчи марта ўқув-семинари ташкил этди. Семинарни ФИФА комиссари Олим Арифов олиб борди.



Семинар давомида учрашув комиссарининг вазифа ва ваколатлари, комиссарлар ўйиннинг яхши савияда ташкил этилишида эътибор қаратиши лозим бўлган жиҳатлар, ушбу соҳадаги янгиликлар, қолаверса, халқаро даражадаги ўйинларни ўтказишда ФИФА ва ОФК тажрибалари хусусида мутахассисларимизга батафсил маълумот берилди.

Икки кундан иборат бўлган семинар давомида ФИФА инструктори Владислав Цейтлин ўйин қоидалари бўйича тақдимот ўтказди. Шунингдек, ЎзПФЛ Лицензиялаш бўлими бошлиғи Александр Давиденко янги ишлаб чиқилаётган электрон тизимда ўйин бошланғич таркиблари ҳамда қайдномаларни тўлдириш бўйича маълумот берди.



Бундан ташқари “Пахтакор” стадионида ўйин ташкилотчилиги, учрашув олдидан стадионни кўздан кечириш, ўйин олди ва ундан кейинги жараёнларни бажариш бўйича амалий машғулотлар ҳам ташкил этилди.

ЎФА Биринчи вице-президенти Равшан Эрматов ҳам миллий чемпионатимиз учрашувларида фаолият олиб борадиган комиссарлар билан учрашиб, уларнинг зиммасида улкан масъулият, шу билан бир қаторда уларга нисбатан юксак ишонч бор эканини алоҳида қайд этди.



- Комиссар – ЎФА ҳамда ЎзПФЛнинг учрашув ўтадиган стадиондаги вакили сифатида барча ташкилий масалаларга масъул саналади. Бундан буён ҳар бир комиссарнинг иш фаолияти ўрганиб, таҳлил этиб борилади. Бундай семинарлар тез-тез ташкил этилиб, комиссарларимиз малакасини ва иш тажрибасини оширишга, халқаро учрашувларда ишлайдиган етук комиссарлар тайёрлашга ҳаракат қиламиз, - деди Равшан Эрматов.

Семинар якунида иккинчи давра учрашувларида фаолият олиб борувчи комиссарларга ЎФА Биринчи вице-президенти томонидан сертификатлар топширилди.


Рейтинг: -2   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг