Ўзбекистоннинг кечаги учрашувдаги муаммоси нимада? Эмиль Бекмухамедовдан Ўзбекистон ғалабасининг рақамлар ва статистика орқали таҳлили

Учрашувдан сўнг рақамлар ва статистикага қараганимдан сўнг, ўйин натижаси майдонда содир бўлган воқеаларни акс эттирмайди деган фикр пайдо бўлди. Мен ўз фикримни рақамлар ва статистика ёрдамида тушунтиришга ҳаракат қиламан.

1. Ўзбекистон терма жамоаси Ўмонга қарши кечган учрашувда 59% вақт мобайнида тўпни назорат қилди. Терма жамоамизнинг сўнги 7та учрашувдаги ўртача тўп назорати кўрсаткичи эса 43% фоизга тенг. Бу эса кечаги учрашувда Катанец ҳаводан узатиладиган паслар ўйиндаги асосий қурол сифатида ишлатганлигини англатади. Ҳаводан узатиладиган пасларда эса тўпни йўқотиш эҳтимоли анча баланд. Ўмон термаси Ўзбекистонга эркинроқ ўйнашга қўйиб берди ва шу сабабли улар бор йўғи 41% вақт тўпга эгалик қилишди.

2. Тўп назоратидаги устунлик, кўпроқ ҳужум қилиш ва дарвозага кўпроқ зарба беришга имконият яратади, аммо кечаги баҳсда Ўзбекистон терма жамоаси ўтган учрашувларга нисбатан рақиб дарвозасига камроқ зарба йўллади. Кечаги учрашувда Ўмон термаси дарвозасига бор йўғи 8та зарба йўлланди, миллий терма жамоамизнинг ўтган 7та учрашувида эса ўйин давомида ўртача 9та зарба йўлланаётган эди. Қизиқ жиҳат шундаки, Ўмон терма жамоаси сўнги 9та учрашувда Саудия Арабистони, Германия, Иордания каби кучли терма жамоаларга қарши ўтказган.  Ўмон дарвозаси томон ўртача 11та зарба берилаётган эди.

3. Вазиятлардан унумли фойдаланиш масаласига ҳам алоҳида урғу бериб ўтишимиз керак. Кеча терма жамоамиз рақиб дарвозасига 6та аниқ зарба берди ва улардан 3таси голга айланди, бу эса нақд 50% фоизлик реализацияни англатади. Ўзбекистон терма жамоасининг сўнги 7та учрашувидаги вазиятлардан унумли фойдаланиш кўрсаткичи - 32%( 28та зарба, 9та гол). Ўмон терма жамоаси дарвозаси томон сўнги 9та учрашувда  33та зарба йўлланган ва улардан фақатгина 8таси голга айланган (24%).

Менинг фикримча, кечаги учрашувда Ўзбекистон терма жамоаси учун ўта омадли бўлди. Шуни таъкидлаб ўтиш керакки, Ўмон терма жамоаси кеча жуда ёмон ўйнади. Ўзбекистон эса ўтган учрашувларидаги кўрсаткичларидан яхшироқ натижа қайд этди. Умумий маънода "оқ бўрилар" кеча "over-prefomance" намойиш этди.

Эмиль Бекмухамедов