Бу ҳақда ЎФА матбуот хизмати хабар берди.
“Эртага юртимиз мезбонлик қилаётган FIFA Series доирасидаги учрашувларга старт берилади. Бугун ўйинлар олдидан жамоалар расмийлари иштирокида йиғилиш бўлиб ўтди.
Унда ФИФА ва маҳаллий ташкилий қўмита томонидан иштирокчиларга ўйинга оид бир қатор масалалар, хусусан, регламент, медиа, маркетинг, тиббиёт ва хавфсизлик йўналишлари юзасидан тушунтириш ва эслатмалар бериб ўтилди.
Футболчиларимиз эртанги Габонга қарши учрашувда тўлиқ оқ, дарвозабонимиз эса қора либосда ҳаракат қилиши маълум бўлди”, – дейилади хабарда.
Эслатиб ўтамиз, беллашув эртага “Бунёдкор” стадионида 19:00 да бошланади.
