Ўзбекистон терма жамоаси афсонаси Қозоғистон жамоасини бошқарадими?
17 окт 2025 16:05
Янгиликлар

Ўзбекистон терма жамоаси афсонаси Қозоғистон жамоасини бошқарадими?

Осиёнинг 2 карра энг яхши футболчиси Сервер Жепаров фаолиятини якунлагач, мураббийлик фаолиятига ўтди.

У бугунги кунда "Оқ-тепа" бош мураббийи ҳисобланади. Бир муддат "Жетису"да ҳаракат қилган собиқ футболчи қозоғистонликларга бир кун келиб Олмаотанинг "Қайрат" жамоасини бошқаришни хоҳлашини айтди. Бироқ унга бу лавозим осмондан тушмаслигини тан олиб гапирди.

"Менда "Қайрат"га яқинлик кучли. Бу клуб тизимига кириш қийин. Сиз аввало нимагадир эришишингиз керак. Ўз ишингизни натижалар орқали кўрсатишингиз зарур. Ҳозир кенг кўламли изланишдаман. Декабрь ойида УEФА А мураббийлик лицензиямни оламан. Менда PRO AFC лицензияси ҳам бор", – деди Жепаров.

Ҳавола :

Манба : sports24.kz

Янгиликларни Телеграмда ўқинг!

Рейтинг: +11