Осиёнинг ўзбекистонлик энг яхши мураббийи ҳаёт бўлганида бугун 65 ёшни қарши оларди

1955 йилнинг 1 июнь куни жонкуяр мураббий Маҳмуд Раҳимов дунёга келган. Агар Маҳмуд ака ҳаёт бўлганларида бугун 64 ёшга тўлардилар. Шавқатсиз ўлим мураббийликда машҳурлик чўққисига чиқиб келаётган Маҳмуд Раҳимовни орамиздан эрта олиб кетди. 1999 йилнинг 24 декабрь куни миллий терма жамоамизнинг ўша пайтдаги бош мураббийи мудҳиш автоҳалокат сабаб бу дунёни тарк этди.

Ёдингизда бўлса, Маҳмуд Раҳимов бош мураббийлигидаги Ўзбекистон миллий терма жамоаси 1999 йили Осиё Кубоги-2000 саралаш баҳсларини кўтаринки кайфиятда ўтказиб, якунда финал босқич йўлланмасини қўлга киритганди. Мамлакатимизнинг бош жамоаси Раҳимов қўл остида жами 7 та ўйин ўтказган. Олтита учрашувда ғалаба ва бир ўйинда мағлубият қайд этилган. Ягона мағлубият Таиланд (0:1) терма жамоасидан қабул қилинган. Абу-Дабида ўтган саралашда кетма-кет 4 та ғалаба қўлга киритилган. Мағлуб этилган орасида мезбонлар ҳам бор эди. Миржалол Қосимовнинг ажойиб узатмасидан сўнг Максим Шацкихнинг БАА дарвозасини қандай ишғол қилгани кечагидек ёдимизда. Ушбу ғалаба терма жамоамизни Осиё Кубоги-2000 финал босқичига олиб чиққанди. Маҳмуд Раҳимов муваффақиятли кечган БААдаги ўйинлардан бир ойча ўтиб, автоҳалокатга учрайди. Осиё Футбол конфедерацияси вафотидан сўнг Маҳмуд Раҳимовни 1999 йилнинг "Энг яхши мураббийи" деб эълон қилади.

Шундай кунларда Маҳмуд Раҳимовни эсга олдик. Охиратингиз обод бўлсин, Маҳмуд ака.