Осиё кубоги-2023. Эрматов, Катанец ва Жепаров Қатарга жўнаб кетишди, эртага қуръа
10 май 2023 12:27
Янгиликлар

Осиё кубоги-2023. Эрматов, Катанец ва Жепаров Қатарга жўнаб кетишди, эртага қуръа

Эртага, 11 май куни Қатарда бўлажак Осиё кубоги финал босқичига қуръа ташлаш маросими бўлиб ўтади.

"Katara Opera House"да ўтказиладиган тадбирда ЎФА Биринчи вице-президенти Равшан Эрматов, Ўзбекистон терма жамоаси бош мураббийи Сречко Катанец иштирок этади.

2008 ва 2011 йилларда Осиёнинг энг яхши футболчиси деб топилган ўзбекистонлик Сервер Жепаров эса қуръа ташлаш жараёнида бевосита иштирок этиши кутилмоқда.

Эслатиб ўтамиз, қуръа жараёнида терма жамоалар айни пайтдаги ФИФА рейтингига кўра саватчаларга ажратилади.

Осиё кубоги-2023 қуръаси учун саватчалар қуйидагича бўлади:

1-саватча
Қатар (мусобақа мезбони), Япония, Эрон, Жанубий Корея, Австралия, Саудия Арабистони

2-саватча
Ироқ, БАА, Уммон, Ўзбекистон, Хитой, Иордания

3-саватча
Баҳрайн, Сурия, Фаластин, Вьетнам, Қирғизистон, Ливан

4-саватча
Ҳиндистон, Тожикистон, Таиланд, Малайзия, Гонконг, Индонезия

Осиё кубоги финал босқичи 2024 йил 12 январдан 10 февралга қадар Қатарда бўлиб ўтади.