Япония терма жамоаси Кобедаги “Ноевир” стадионида Ганани қабул қилиб, 4:1 ҳисобида ғалабага эришди. Мезбонлар сафида Мики Яманэ, Каору Митома, Такэфуса Кубо ва Даидзэн Маэда гол урган бўлса, рақиблардан Жордан Айю жавоб тўпини киритди.
Ж.Корея эса Сувондаги майдонида Парагвай билан тўқнаш келди. Учрашувда аввалига меҳмонлар Мигель Алмироннинг дубли эвазига 2:0 ҳисобида олдинга ўтиб олишганди. Аммо кореяликлар вазиятни ўнглаб, Сон Хён Мин ва Чон У Ённинг голлари эвазига мувозанатни тиклашди – 2:2!
