Давид Де Хеа камерунлик побсон Андре Онана 2024 йил бошида Африка Миллатлар Кубогига бориши сабаб “Манчестер Юнайтед” билан қисқа муддатли шартнома имзолаши мумкин. Турнирнинг якуний қисми январь-февраль ойларида бўлиб ўтади, деб хабар берди "The Sun".
Де Хеа 2011 йилдан 2023 йилгача Англия клубида ўйнаган. Ўтган ёзда клуб ўз фахрий футболчиси билан шартномани узайтирмасликка қарор қилди ва Онанани 52,5 миллион еврога сотиб олди. 32 ёшли Давид ўзига мос клуб топа олмади ва ҳамон эркин агент мақомида қолмоқда.
Испаниялик 12 йил давомида клуб учун 545 та учрашувда иштирок этган. Жамоа билан бирга Англия чемпионати (2013), Европа Лигаси (2017), Лига Кубоги (2017, 2023), Англия Суперкубоги (2012, 2014, 2017) ва Англия Кубоги (2016) соҳиби бўлган.
