ОФК мутахассиси "Чиғатой"даги майдон қурилиши билан танишди
05 мар 2018 14:27
Янгиликлар
ОФК мутахассиси "Чиғатой"даги майдон қурилиши билан танишди
Бу ҳақда ЎФА матбуот хизмати хабар берди.
Хабарингиз бўлса, ўтган йилнинг 9 ноябрь куни Малайзия пойтахти Куала-Лумпурда Ўзбекистон Футбол Ассоциациясининг 1-вице-президенти Умид Аҳмаджонов Осиё Футбол Конфедерацияси президенти Шайх Салмон бин Иброҳим ал-Халифа билан учрашиб, мамлакатимизда футболни ривожлантиришга асосланган турли лойиҳалар бўйича ўзаро ҳамкорлик қилиш бўйича келишувга эришганди.
Келишувга асосан “Чиғатой” спорт базасидаги сунъий қопламали майдон ОФК томонидан ажратиладиган маблағлар асосида тўлалигича реконструкция қилиниши белгилаб қўйилганди.
ОФКнинг ана шу лойиҳаси бўйича амалга ошириладиган ишлар билан танишиш мақсадида Осиё футбол Конфедерациясининг футбол майдонлари қурилиши бўйича юқори малакали мутахасиси Пун Йоук Йенг юртимизга ташриф буюрди. У “Чиғатой” спорт базасига ташриф буюриб, ОФК томонидан ажратилган маблағ асосида қуриладиган сунъий қопламали стадионнинг қурилиш ишлари билан танишди. Майдонни барпо қилиш бўйича ўзининг амалий маслаҳаларини бериб ўтди. Бу борада ОФКнинг тажрибаси билан ўртоқлашди.
Ушбу сунъий қопламали стадион барпо қилингандан кейин бу ерда йилнинг исталган фаслида машғулотлар олиб бориш ва назорат учрашувлари ўтказиш мумкин бўлади.

Ўхшаш янгиликлар
championat.asia
10 ўйинда 12 гол: Роналду яққол тўпурар
Футбол юлдузлари Рождество байрамини қандай нишонламоқда?
Нималар қиляпсан, "Астон Вилла"?! Эмери жамоаси "Челси" майдонида ҳам ғалабага эришди
"Аркадаг" кетма-кет учинчи марта Туркманистон Кубогини қўлга киритди
Фикрлар