UZ

Сўнгги янгиликлар

11:58"Олтин бутса" учун курашда Левандовски фаворит бўлиб олди  3 11:44Жанубий Корея. "Сеул" - "Сеонгнам" учрашувида ўзбек дербиси бўладими?  6 11:29Беларусь. Бугун "Энергетик-БГУ" ўйнайди  1 11:17Контраст: Бруну ва Погба машғулотга қандай машиналарда келишди?  5 10:58Тер-Штеген "Барселона"дан қанча маош сўраётгани маълум бўлди  2 10:41А Серияда ўйинлар ҳар куни бўлади  0 10:28Чичарито МЮнинг энг катта хатосини айтди  7 10:15Омар Моманидан карикатура: ЛаЛига қайтмоқда!  7 09:56Жиру: “Арсенал”га кимлигимни исботлашим керак эди”  4 09:35“Реал” ва “Арсенал” Хавертц учун курашмоқда. “Байер” футболчини 80 миллион евродан камига сотмоқчи эмас  3 09:05Томас Мюллер Бундеслига рекордини ўрнатди  4 08:40Мбаппе яқин келажакдаги мақсадларини ошкор қилди  4 08:20Флик Гвардиолани ортда қолдирди  1 07:50“Реал” ёзда трансферларни амалга ошира олмаслиги мумкин  4 07:30“Бавария”да янги эра бошланмоқда” Хёнесс Саненинг трансфери ҳақида гапирди  1

ОЧЛда 17-сонияда гол урган, терма жамоа сафида уч хил қитъа вакилларига қарши ўйнаган Саламат Қутибоевни табриклаймиз Янгиликлар

ОЧЛда 17-сонияда гол урган, терма жамоа сафида уч хил қитъа вакилларига қарши ўйнаган Саламат Қутибоевни табриклаймиз

Бугун Бекободнинг “Металлург” жамоаси аъзоси, тажрибали ярим ҳимоячи Саламат Қутибоев таваллуд кунини нишонламоқда. Футболчи 34 ёшни қарши олди.

Қорақалпоқ футболининг ёрқин вакилининг миллионлар ўйинига ошно тутуниши ҳақида у ўз интервьюларида шундай деган эди: “Футболга қизиқишимга амаким Неъматилла Қутибоев сабаб бўлган. Уларнинг ўйинларини кўриб футболга меҳр қўйганман. Ўзим юридик университетини тамомлаганман. Ким билсин, футболчи бўлмаганимда шу соҳани эгаси бўлардим”.

Дастлабки жамоаси маҳаллий “Жайхун” бўлиб, айнан шу клуб орқали катта футболга қадам қўйишни бошлаган. 2009 йилда Муборакнинг “Машъал” жамоаси уни ўз сафига қўшиб олади ва маҳоратини, тажрибасини ошириб боришига катта ҳисса қўшади. 2010-2014 йиллар оралиғида ушбу жамоа шарафини ҳимоя қилиб мухлислар эътирофига сазовор бўлади. У ўзининг Олий лигада “Нефтчи” дарвозасини илк бор ишғол қилиб голлари ҳисобини очишга муваффақ бўлади. 2014 йилнинг иккинчи яримида Даврон Файзиев мураббийлигидаги “Суғдиёна”га йўл олиб жамоа билан кучлилар сафида қолишни уддасидан чиқади.



2015 йилги мавсумни Игорь Шквирин бошчилигидаги “Олмалиқ” жамоасида 26 учрашувда майдонга тушиб 5 бор ўз ҳисобига гол ёздириб қўяди. Марказда ва таянч ярим ҳимоясида барқарор ўйин намойиш қиладиган футболчининг хизматларига кейинги йил “Бухоро” жамоаси қизиқиш билдиради. Эсингизда бўлса, 2016 йилги мавсумни кўҳна шаҳар жамоаси ажойиб тарзда ўтказиб кучли тўртликдан жой олганди.

Мазкур клубдаги ўйинлари сабаб у Самвел Бабаяннинг назарига тушади ва миллий терма жамоамизнинг июнь ойидаги йиғинига чақирилади. Буни қарангки, унинг дебюти океан орти вакили Канадага қарши ўртоқлик учрашувига тўғри келганди. Саламат 2016-2017 йиллар оралиғида мунтазам равишда терма жамоанинг турли йиғинларига жалб этилиб келинди. Бироқ, кўпинча у ўйинларни захирада ўтириб томоша қилишига тўғри келди. Шунга қарамай Бабаян Қутибоевга уч маротаба имконият берди. Шундан сўнг у Буркина-Фасо ва Грузия термалари билан ўйинларда ҳам иккинчи бўлимда майдонга тушди. Эътиборли жиҳати Саламат 3 та беллашувни 3 та қитъа вакилига қарши ўтказди ва Осиё жамоалари билан ўйинларда майдонга тушмади.



Ўзини кўрсатаётган ярим ҳимоячи 2017 йилнинг бошида ўз олдига юқори мақсадларни қўйган, ОЧЛ гуруҳ босқичида иштирок этаётган “Локомотив” жамоасига келиб қўшилади. “Ал Таавон”га (0:1) қарши баҳсда Чемпионлар Лигасидаги дебютини ўтказди. Иккинчи турда эса БААнинг “Ал Аҳли” жамоаси билан ўйинда 17-сониядаёқ ҳисобни очди. Қайсидир маънода у фаолиятида янги саҳифа очаётганди. Аммо, кутилмаганда иккинчи даврада Улуғбек Бақоев бошқараётган “Бухоро”га қайтишга қарор қилди. Ўтган мавсумда эса клубни элитада қолишида катта ҳажмдаги ишни бажарди. Жорий йилдан бошлаб эса “Металлург”да ҳаракат қилиб келмоқда.




Сайтимиз ижодкорлари номидан Саламат Қуттибоевга соғлик ва саломатлик, фаолиятида улкан зафарлар тилаб қоламиз.

Рейтинг: +9   

Фикрлар

+3   
21 май 17:19:18
MoSalah11
Qarakende N1 futbolist
+2   
21 май 21:48:55
Soccer
Коракалпогистонда хам футболга етибор бериш керак. Каталония Уелс Ирландия охшаб Терма жамоа тузиш керак. Орта осиёдаги Туркманистон Тожикистон Киргизистонлар билан бемалол уйнай оламиз
+2   
21 май 17:15:48
Файзуллох79
Саламат Кутибоевни тугилган куни билан табриклайман. Соглик, ишларига ривож тилайман.
+1   
21 май 21:18:32
Rico
Омир жасин узах болсин Саламат братан
+1   
21 май 21:13:51
Marko9
Саламат туýылған күниң менен жасыңа жас қосылып Аллах берген жасты балашағаң менен бирге көриý несип етсин.
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг