Неймар "Сантос"дан "Барселона"га ўтиши билан боғлиқ бўлган коррупцион айбловлардан оқланди

Даъвогар Бразилия инвестиция компанияси DIS,, Неймардан ташқари, унинг ота-онаси, "Барселона" ва "Сантос", "Барса"нинг собиқ президентлари Хосеп Мария Бартомеу ва Сандро Росел, шунингдек, "Сантос"нинг собиқ президенти Одилио Родригесни айблади. Қайд этилишича, Испания прокуратураси трансферга алоқадор барча шахсларни оқлаган.

Барча айбланувчилар тинглангандан сўнг, прокурор бу ишда жиноятга ишора ҳам йўқлигини айтди.

Прокурорлар дастлаб Неймар учун икки йиллик қамоқ жазосини сўраган. Ҳужумчи Каталония клубига ўтиш учун олинган тўловларнинг бир қисмини яширганлиги сабабли фирибгарлик ва коррупцияда гумон қилинганди.

30 ёшли бразилиялик футболчи 2013 йилдан 2017 йилгача “Барселона” сафида тўп сурган ва испан клуби сафида 186 та ўйинда майдонга тушиб, 105 та гол урган ва 76 та голли узатмани амалга оширган.