"Нефтчи": футболчи ва икки мураббий билан шартномалар узайтирилди
24 дек 2023 19:11
Янгиликлар

"Нефтчи": футболчи ва икки мураббий билан шартномалар узайтирилди

Фарғонанинг "Нефтчи" клуби бир футболчи ва икки мураббий билан битимларни узайтирди.

"Билолхон Тошмирзаев "Нефтчи"нинг маҳоратли ўйинчиларидан бири. 2023 йил мавсумида у қатор масъулиятли учрашувларда ҳужумкор ўйин кўрсатиб, жамоа ғалабаларига муносиб ҳисса қўшиб келаётганлиги боис мухлислар ва мураббийлар ишончини қозонган. Билолхон ўз маҳоратини 2024 йилги мавсумда ҳам шу жамоада давом эттиришга қарор қилиб, шартнома муддатини узайтиришга имзо чекди.

"Нефтчи"да янги жамоани шакллантириш ишлари давом этмоқда. Бугун шу ерда жисмоний тарбия бўйича мураббий бўлиб ишлаётган Анваржон Норқулов, дарвозабонлар мураббийи Фарруҳ Бердиевлар ўз фаолиятини 2024 йилда ҳам "Нефтчи"да давом эттиришга қарор қилганлигини айтиб, шартномага имзо чекдилар.

Уларга янги мавсумда куч-қувват, омад ва янги муваффақиятлар тилаймиз", — дейилади клуб хабарида.

Эслатиб ўтамиз, "Нефтчи" ўтган мавсум Ўзбекистон чемпионатини 5-ўринда якунлади.

Ҳавола :

Манба : championat.asia

Янгиликларни Телеграмда ўқинг!

Рейтинг: +7