Наваф Шукрулла Ўзбекистоннинг қайси ўйинларида ишлаган?

Narzulla Saydullayev
9 янв 2015
Хабарингиз бор, Ўзбекистон ва КХДР ўртасидаги ўйинда баҳрайнлик Наваф Шукрулла бошчилигидаги ҳакамлар ишлашади.
Ушбу ҳакам Ўзбекистоннинг турли ёшдаги терма жамоалари иштирокидаги ўйинларда фаолият юритган.

2010 йилги U-16 Осиё Чемпионатида гуруҳ босқичида Иорданияга қарши ўйинда (0:0) ва ярим финалда Австралия билан баҳсда (2:1) айнан Шукрулла ишлаган.

2011 йил Қатарда ўтган Осиё Кубоги гуруҳ босқичи доирасидаги Қувайтга қарши ўйинда вакилларимиз 2:1 ҳисобида зафар қучишган. Ўша учрашувни баҳрайнлик ҳакам бошқарган.

2014 йил U-19 Осиё Чемпионатида гуруҳ босқичида Равшан Ҳайдаров бошчилигидаги жамоамиз Австралия билан дуранг ўйнаган (1:1) учрашувда Шукрулла футболчиларнинг қоидага амал қилишини кузатиб борган.

Осиё Кубоги саралаши доирасидаги Гонгконг билан учрашувда ҳам айнан шу ҳакам фаолият олиб борган. Ўша баҳсда вакилларимиз 2:0 ҳисобида ғалаба қозонишган.


Нарзулла Сайдуллаев

Narzulla SaydullayevМуаллиф
Манба: championat.asia