Нагельсманн: "Агарда "Бавария" ЕЧЛни қўлга киритса, қуръа омадли келган деб бўлмайди"

"Қуръани мураббийлар штаби билан биргаликда томоша қилдик. Яхши ва қийин рақиб. Агарда ЕЧЛ совринини қўлга киритадиган бўлсак, бизга қуръа омадли тушган деб бўлмайди.

Қийин гуруҳдан чиқдик. Кейин ПСЖ билан баҳслар, энди эса "Сити". Балки ярим финал ҳам топ-даражада бўлар. Ўтган мавсумда "Реал" шу каби оғир йўлни босиб ўтди. Биз ҳам ўйинга яхши тайёрланамиз ва сабрсизлик билан кутамиз.

Пеп Гвардиоланинг "Барселона", "Бавария" ва "Манчестер Сити"даги кўплаб ўйинларини томоша қилганман. Пепнинг жамоалари анчагина қувноқ. Унинг ғоялари анча тажовузкор ва жамоалари тўп билан кўп бўлади. Унинг жамоалари ўйинларини бажонидил томоша қиламан.

Эрлинг Холанд - вазиятларни ҳал қилувчи хавфли футболчи. Тезлик ва жисмоний жиҳатдан унинг сифатлари юқори. У тез югуради ва унга қарши ўйнаш ёқимли эмас. Бироқ бизда ҳам яхши ҳужумчилар бор. Ўз навбатида "Сити"нинг таркиби ҳам жуда кучли", - деди Нагельсманн.