Мурод Отажонов: "Бугунги ўйиндаги мухлислик учун ишқибозларга миннатдорчилик билдираман. Сўнгги дақиқаларда гол ўтказиб юборганимиз жуда аламли бўлди. Баҳс ҳар томонлама оғир ўтди. "Нефтчи"ни ғалаба билан табриклайман. Навбатдаги баҳсларга тайёргарлик кўрамиз.
- Рақиб ҳужумга ўтиб, тўп олиб қўйилганда қарши ҳужум учун ҳимоячилар аниқ ўйнай олишмаяпти ёки тўпни тепиб юборишди.
- Вазиятлар устида кўпроқ ишлашимиз керак. Вазиятлар бўлмаса ҳам саволлар бўларди, "нега вазият йўқ" деб. Ишлашда давом этамиз.
- Рақиб битта гол фарқи билан ғалаба қозонаётган пайтда бўйдор Ўлмасалиевни ҳужумга чиқариш мумкинмиди?
- Гол кетидан қувиб, рақиб дарвозамизни ишғол қилиши мумкин эди. Ҳар бир футболчи ўз вазифасини бажаргани маъқул деб ўйлайман.
- Кубок баҳсида ҳудди шу стадионда ушбу жамоалар тўқнаш келишганди. Ўша ўйин ва бугунги баҳсдаги фарқ ҳақида гапира оласизми?
- Кубок ўйинида ярим таркибни ўзгартириб, ёшларга имкон берганмиз. "Нетфчи" ҳам бошқа таркибда майдонга тушган эди. Иккала жамоа ҳам ёшларни кўриб олган. Кубок ва чемпионат ўйини фарқи шунда.
