Муҳсин Низомиддинов: "Ҳар қандай сирни ошкор қилиб бўлмайди"

- Ўйин ҳақида...

- Авваламбор Қўқондан келиб, бизни қўллаб-қувватлаган мухлисларга миннатдорчилик билдираман. "Шўртан"га қарши ўйиндан кейин бир ҳафта вақтимиз бор эди. Шу даврда рақибни ўргандик. Худога шукр, ўйлаган мақсадимизга етдик. 

- Жамоа ўйини бир маромда ўтмаяпти. Кейинги ўйинларда Турдиалиев, Маҳмуджонов каби футболчиларни синаб кўрса бўлмайдими?

- Футболда ҳар нарса бўлиши мумкин. Ўйинчида босим юзага келиш ҳолати мавжуд. Босим остида тўп тепиш осон эмас. Ёшларга келсак, уларга ҳам имконият берамиз. Мақсадимиз ҳам шундан иборат. Сезган бўлсангиз, ўтган йилга қараганда анча ёшардик. Албатта, ёшларнинг ҳам сифатлиси билан ишлаш керак. Сиз айтган йигитларни ҳам кузатиб боряпман, уларга ҳам имкон берамиз. 

- Жамоа футболчиларида гол ургач, сусайиш ҳолати юзага келмоқда, бунга сабаб нима?

- Ҳар қандай сирни ошкор қилиб бўлмайди. Ўтган ўйиндан кейин ҳам "Сизда босим йўқми?" деб савол беришгандим. Босим йўқ. Биз танлаган тактикада рақибга бўш зона қолдирмаслигимиз лозим эди. Рақибга тўп назорати учун имкон бердик. Асосий мақсадимиз стандарт эди, бундан унумли фойдаландик.