Муҳиддин Абдувалиев: "Мухлисларимизни хурсанд қилишимиз шарт"
17 сен 2016 14:33
Янгиликлар

Муҳиддин Абдувалиев: "Мухлисларимизни хурсанд қилишимиз шарт"

Теглар : Қўқон-1912 Муҳиддин Абдувалиев

Бугун олий лига 22-тур доирасида “Қўқон-1912” жамоаси ўз майдонида Бекободнинг “Металлург” жамоасини қабул қилади.

Биз учрашувдан олдин Қўқон жамоаси мураббийларидан Муҳиддин Абдувалиевнинг бўлажак ўйин ҳақидаги фикрларини сўрадик.

- Бугун бизни жуда қийин учрашув кутиб турибди. “Металлург” жамоаси анча кучли, чемпионатда бир маромда ўйин намойиш қилиб келаётган жамоа. Лекин бу билан биз кучсизмиз демоқчи эмасман. Биз ҳам секин- аста ўз ўйинимизни топиб бормоқдамиз.
Бугунги учрашув ўз майдонимизда бўлади, демак биз стадионга келган мухлисдарни хурсанд қилишимиз шарт. Ўйлайманки барча футболчилар бу маьсулиятни тўлиқ ҳис қилиб турибдилар.

Қолаверса турнир жадвалидаги турган ўринимиз ҳам бизга ғалабадан бошқа натижа қониқтирмаслигини кўрсатиб турибди. Шундай экан бугун барчамиз бир мақсад йўлида бирлашамиз ва ғалаба қозона оламиз деб умид қиламан - дейди Муҳиддин Абдувалиев.

"Қўқон-1912" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +2