Модрич "Тоттенхэм"га қайтишга қарши эмас
29 окт 2022 18:59
Янгиликлар

Модрич "Тоттенхэм"га қайтишга қарши эмас

Хорватиялик ярим ҳимоячи Лука Модрич "Реал" билан янги меҳнат шартномаси тузмаса, Туманли Албионга йўл олади.

"El Nacional"нинг ёзишича, 37 ёшли футболчи ўзи 2008 йилдан 2012 йилгача ўйнаган Лондоннинг "Тоттенхэм" клубига ўтиши мумкин.

Модричда фаолиятини АҚШда давом эттириш имкониятлари бор эди, бироқ у таклифларни рад этди. Лукага кўпроқ АПЛга қайтиш қизиқ туюлмоқда.

Хорватияликнинг "қироллик клуби" билан амалдаги битими жорий мавсум охиригача ҳисобланган. У 2012 йилнинг август ойидан бери Испания гранди рангларини ҳимоя қилиб келяпти.

Лука жорий мавсум Ла Лиганинг 10 та ўйинида қатнашиб, 2 та гол урди ва 2 та голли пас узатди.

Ҳавола :

Манба : El Nacional

Янгиликларни Телеграмда ўқинг!

Рейтинг: +3