Мусобақа фаворитларидан бири саналган Япония биринчи турда БААга қарши майдонга чиқди. Қизиқарли кечган баҳсда Го Оива шогирдлари 2:1 ҳисобида ғалаба қозонди. Голлардан бирига эса Юито Сузуки муаллифлик қилди. Ўйиндан кейинги микст-зонада япониялик футболчига юзландик.
"Ажойиб ўйин ва ғалаба. Ютганимизга қарамай қийин ўйин ўтказдик. Иккинчи бўлимда тезликни оширдик. Вазиятлардан фойдаланишда Япония устунроқ бўлди, деб ўйлайман. Стадионда қўллаб-қувватлаган мухлисларга ҳам миннатдорчилик билдираман", - дейди Сузуки.
