"Mixed zone". Акром Комилов: "Ҳақли равишда ғалаба қозондик"
17 мар 2023 22:12
Янгиликлар

"Mixed zone". Акром Комилов: "Ҳақли равишда ғалаба қозондик"

Олмалиқнинг ОКМК жамоаси иккинчи турда "Олимпик"ка қарши майдонга чиқди (1:0).

Учрашувдаги Сияваш Ҳақназари томонидан урилган ягона гол ОКМКга ғалаба келтирди. Голга Акром Комилов ассистентлик қилди. Ўйиндан сўнг унинг фикрларини тингладик.

"Ўтган турдаги мағлубиятдан сўнг тезда тикланишимиз керак эди. Чунки олдинда "Олимпик" билан баҳс кутиб турганди. Мураббийлар тўғри кўрсатма беришди, деб ўйлайман. Рақиб тактик ва техник томонлама кучли жамоалигини билардик. Худога шукур ҳақли равишда ғалаба қозондик.
Ассистга келсак, иккинчи бўлимда майдонга тушишимдан олдин мураббийлар олдинроқда жамоага ёрдам беришимни айтишди. Тўпни Сияга узатдим, у гол урди.
Ўйлашимча, секин-аста формага кириб бормоқдамиз. Кейинги ўйинларда бундан ҳам кучлироқ ўйин кўрсатишга ҳаракат қиламиз",- дейди Акром Комилов.

Ҳавола :

Манба : championat.asia

Янгиликларни Телеграмда ўқинг!

Рейтинг: +1