"Милан" ўзига янги стадион қурмоқчи

"Милан" хўжайини Жерри Кардинале аллақачон Сала билан учрашув ўтказган. Янги стадион Сан-Сиро яқинида жойлашган Ла Маура ҳудудида қурилиши кутилмоқда. Эндиликда "россонерилар" икки ҳафта ичида ўз лойиҳасини тақдим этишлари керак.

Дастлаб, "Интер" ва "Милан" Сан-Сиро ҳудудида янги стадион қуришга келишиб олишганди, улар янги аренани "Собор" деб номламоқчи эди. Лойиҳа жамоатчилик билан маслаҳатлашувдан ўтиши керак эди. "Интер" бош директори Алессандро Антонелло феврал ойида "нерадзуррилар" "Милан" билан янги стадион қуришга умид қилишаётганини айтганди, аммо бу "россонерилар"нинг режаларида ҳозирча мавжуд эмас.