"Биринчи бўлимда ўз ўйинимизни кўрсатаётгандик. Иккинчи бўлимда "Пахтакор" ўзини кўрсата олди", – дейди Секейра.
- Танланган тактика хато эдими?
- Яна бир бор айтаман, биринчи бўлимда рақибдан яхши ўйнадик. Лекин биринчи гол ўйинни ўзгартириб юборди.
- Диего Барданка интервьюларида клубда молиявий муаммолар борлигини айтганди. Бу борада фикрингиз қандай?
- Бу саволга жавоб бермайман.
- Ўйиндан олдин клуб Жасур Жалолиддинов билан келишувга эришгани ҳақида айтди. Қандай қилиб мавсум охиригача шартномаси бор футболчи қўшиб олинди?
- Бундан бехабарман. Бор футболчилар ҳақидаги саволга жавоб бераман.
- "Локомотив" ўйинни ҳужумчисиз бошлади. Бу нима билан боғлиқ?
- Бизда ҳужумчи бор эди. Бугун бошқача услубда ўйнашга ҳаракат қилдик.
