“Металлург”: Достон Турсунов, Дониёр Исмоилов ва Наврўз Алимов келди
05 янв 2017 11:06
Янгиликлар
“Металлург”: Достон Турсунов, Дониёр Исмоилов ва Наврўз Алимов келди
Футболчилар ҳар куни икки маҳалдан машғулотларда иштирок этишаяпти ва жисмоний тайёргарликни тиклаш жараёнини катта эътибор қаратилмоқда. Машғулотлар “Кимёгар” стадионида олиб бориляпти. Шанба кунига мураббийлар штаби жамоанинг асосий ва ёшлар таркибларини уйғунлаштирган ҳолда ўзаро ўйин ўтказишни режалаштирмоқда. 13 январь куни “Металлург” футболчилари тиббий кўрикдан ўтади. Эртаси куни эса пойтахтимизда ўқув-машғулот йиғинини ўтказаётган “Қўқон 1912” жамоасига қарши назорат учрашуви режалаштириляпти.
Жамоа таркибида баъзи янгиланишлар бўлиши кутилмоқда. Айни пайтда клуб ярим ҳимоячиларидан бири Жаҳонгир Абдумўминов Таиланд жамоаларидан бирида кўрикдан ўтаётганлигини маълум қилгандик. Жамоа таътилдан қайтгач “Металлург” машғулотларига уч нафар янги ўйинчи келиб қўшилди. Булар “Олмалиқ” ҳужумчиси Дониёр Исмоилов, “Қўқон 1912” ҳимоячиси Достонбек Турсунов ҳамда “Қизилқум”, “Пахтакор” ҳамда “Қўқон 1912” жамоаларидаги фаолияти орқали яхши таниш бўлган ҳужумчи Наврўзбек Алимовлардир. Ўз навбатида бугун жамоа машғулотларига Копадзелар сулоласининг кенжа вакили Камронбек Копадзенинг ҳам келиб қўшилиши кутиляпти.

Ўхшаш янгиликлар
championat.asia
Аргентина ЖЧ-2026дан четлатилиши мумкин
Ла Лига. Рафиньянинг дубли "Барселона"га "Осасуна" устидан ғалабани тақдим этди
Эрлинг Ҳоланд Криштиану Роналдуни қувиб ўтиб, АПЛ рекордини янгилади
Туркия Суперлигаси. Шомуродовнинг гол ва ассисти "Башакшехир"га меҳмонда "Самсунспор" устидан ғалабани тақдим этди
Фикрлар