Месси тўрт ойлик мажбурий танаффусдан қайтишини гол билан нишонлади
16 ноя 2019 01:34
Янгиликлар

Месси тўрт ойлик мажбурий танаффусдан қайтишини гол билан нишонлади

Аргентина терма жамоаси ҳужумчиси Лионель Месси жамоасининг Бразилияга қарши ўртоқлик учрашувида гол киритишга эришди.

32 ёшли футболчи учрашувнинг 13-дақиқасида Алиссон дарвозасига белгиланган пеналтини амалга оширди. Леонинг илк зарбасини бразилиялик посбон қайтариб қолган бўлсада, дарвозабондан қайтган тўпни ҳужумчи қийинчиликсиз тўрга йўллаб, ўйинда ҳисобни очди.

Месси тўрт ойлик танаффусдан кейин илк марта терма жамоа либосида майдонга тушди. У сўнгги бор Америка кубогида 3-ўрин учун кечган беллашувда Чили (2:1) термасига қарши майдонга (6 июль) тушганди.

Эслатиб ўтамиз, август ойи бошида Месси Америка кубоги-2019 мусобақаси пайтида коррпупция ҳақида айтган гаплари учун терма жамоадан уч ойга четлатилган эди.

Ҳавола :

Манба : sports.ru

Янгиликларни Телеграмда ўқинг!

Рейтинг: +15