“Томас Тухель жамоаси устун кўринаётган ўйинни кутмоқдамиз. Унинг жамоаси меҳмонда гол урди ва ўз майдонида гол ўтказмаслик учун барча нарсани қилади. Охирги ҳафталарда ностабил ўйнаётган Мадрид мудофаасини бузиш учун уларда имконият бўлиши мумкин.
Ўйлашимча, “Челси” иштирокини давом эттиради ва биз сўнгги уч йил ичида иккинчи маротаба Чемпионлар Лигасида инглизча финални кузатамиз”, дейди Оуэн.
Эслатиб ўтамиз, 2019 йил ЕЧЛ финалида “Ливерпуль” ва “Тоттенхэм” баҳс олиб борган. Мазкур ўйинда Юрген Клопп шогирдлари 2:0 ҳисобида зафар қучиб, бош соврин эгасига айланганди.
