Майкл Чёрч: "Агар Кейруш Ўзбекистонга борса, бундан фақат ютасизлар"

Осиё футболини анчадан бери турли сайтларда ёритиб келадиган гонконглик журналист Майкл Чёрч қуръадан кейин Ўзбекистон терма жамоаси ҳақида фикрини билдирди.

- "Ўзбекистон терма жамоасини доим ҳурмат қилганман. Сизларда ўйин услуби яхши, асосий ғирромлик ёки асаббузарлик йўқ. Тўғри, баъзан омад келмай туради. Терма жамоага янги бош мураббий изланаётганидан ҳам хабарим бор. Агар Карлуш Кейруш келса, бундан фақат ютасизлар. Чунки у жуда кучли мутахассис."

- "Билишимча, ҳозир Кейруш билан Эрон футбол федерацияси ўртасида муаммо юзага келган. Федерация мураббийга олти ойлик шартнома таклиф қилиб Осиё Кубогида ҳам олиб қолмоқчи. Лекин Кейруш тўрт йиллик шартнома бўлса қоламан деяпти. Шу боис вазият чигал. Аммо Ўзбекистонга Берт ван Марвейк келмаса керак. Чунки у Саудия Арабистонида ишлаб кўп пул топди ва жаҳон чемпионатида Австралияни бошқарганидан сўнг фаолиятини тугатмоқчи".

Х.Холиқов, Дубайдан махсус.