UZ

Сўнгги янгиликлар

22:55Бундеслига. "Шальке" меҳмондаги йирик ғалаба билан 4-турга якун ясаб берди  0 22:30Ўртоқлик ўйини. Ўзбекистон U-19 термаси иорданиялик тенгқурларига қарши дастлабки учрашувни ўтказди  4 22:21Самвел Бабаян: "Қимматли очколарни бой бердик"  17 22:20АПЛ. "Арсенал" тайёр ғалабани қўлдан чиқарди  21 22:09Андрей Шипилов: "Мураббийлар штаби фаолиятини меваси шундай ўйинда кўрингани жуда ёқимли"  1 21:53Андрей Канчельскис: "Навбаҳор" қолган 7та ўйинда 21 очко олмоқчи"  51 21:45Перес: "Реал" ўйинчилари ҳурмат-эҳтиромга сазовор"  2 21:26Шота Арвеладзе: "Ўтган йили Наманган вилояти ҳокими майдонни яхшилашга ваъда берганди, энди "Навбаҳор" шундай ажойиб майдонда ўйнамоқда"  57 21:20Костас Манолас: "Наполи"да мураккаб тақвим. Ҳар ўйинда ғалаба учун курашамиз"  0 21:09Қалби нурга тўла инсон  17 21:00ЛаЛиганинг кечаги ўйинларига аталган карикатура  7 20:35Кейлор Навас: "Реал"да ажойиб йиллар ўтказдим"  6 20:29АПЛ. "Борнмут" - "Эвертон" 3:1  0 20:23Coca Cola Суперлигаси. "Пахтакор" Наманганда ғалаба қозонди  211 20:22Coca Cola Суперлигаси. "Локомотив" ўз уйида "Металлург" билан дуранг ўйнади  27

"Мавсумни дайдилардек бошлагандик. Уйга қайтгач ўйинимиз барқарорлашди ва бугун кичик мўъжиза содир этдик" — Канчельскис иштирокидаги матбуот анжумани Янгиликлар

"Мавсумни дайдилардек бошлагандик. Уйга қайтгач ўйинимиз барқарорлашди ва бугун кичик мўъжиза содир этдик" — Канчельскис иштирокидаги матбуот анжумани

Суперлиганинг 8-тур доирасидаги "Пахтакор" - "Навбаҳор" (2:2) иштирокидаги драматик ўтган баҳсдан кейинги ташкил этилган матбуот анжуманининг илк қисмида меҳмонлар устози Андрей Канчельскис қатнашди.

- Мен жамоамнинг кўрсатган ўйини ва учрашувга бўлган муносабатидан кўнглим тўлди. "Пахтакор" билан ўйинда иккита тўп фарқини йўққа чиқариш қадри баланд. Футболчиларга қойил. "Навбаҳор" иккинчи таймда кичик мўъжиза содир этди. Биринчи бўлимда жамоам асабий ҳолатда эди. Турнир жадвалидаги ҳолат ҳам ўйин аҳамиятини ошириб юборганди. Шу боисдан ҳам баъзи футболчилар ўйинга керагидан ортиқ тайёрланиб юборишгани туфайли ўйинлари чиқмади. Ҳар қандай ҳолатда танаффусдан кейин жамоа ўзига келди ва яхши ўйин кўрсатиб, характер намойиш этди. Икки тўп фарқидаги мағлубиятни дурангга айлантирганимиздан хурсандман. 

- Кўрсатмани танаффусда эмас, балки ўйиндан аввал бергандим. Футбол эса 45 дақиқа эмас, балки 90 дақиқа ўйналади. Тўғри, биринчи 45 дақиқаликни кўнгилдагидек ўтказмадик. Иккинчи таймда эса вазият ўнгланди. Кўрсатма эса оддий бўлганди: футбол ўйнаб, керакли очколарни жамғариш. Барча шундай кўрсатма берса керак деб ўйлайман. Айниқса меҳмонда, "Пахтакор"дек жамоага қарши ўйинда барча шундай кўрсатмага амал қилади, деб ўйлайман. 

- Қўшиламан, мавсумни дайдиларга ўхшаб бошлагандик. Шаҳарма-шаҳар шаҳар юриб, гоҳ Тошкентда, гоҳ Фарғонада ўйнадик. Ўз уйимизда кам вақт бўлганимиз таъсир этганди. Доим сафарма-сафар юргандик. Ўзимизнинг майдон, ўзимизнинг стадион етишмаётганди. Уйга қайтганимиздан кейин жамоамиздаги муҳит ва ўйин барқарорлашди. Бу эса натижани яхшиламоқда. Ҳар бир ўйинга жиддий ёндошиб, учрашувларга кубок баҳсидагидек қараяпмиз. Футболчиларга ишга бўлган муносабат ва мени тушунганликлари учун миннатдорчилик билдираман. Жамоам чиройли футбол ўйнаб, мухлисларга футбол завқини улашишга ҳаракат қилмоқда. Ўйлашимча, бугун ўйинни стадиондан кўрган барча ишқибозлар футболдан керакли энергия олишди. Голлар ҳам, натижа ҳам чиройли бўлди. Менимча, ишқибозлар бугунги ўйиндан қониқиш хосил қилишди. 

- Мен ҳамма нарсани тушунаман. Лекин биринчи бўлимда ҳакамларнинг "Пахтакор"га ёрдам бериши, билмадим, агарда "Пахтакор"га ҳакамлар ҳам ёрдам беришса, унда улар билан курашиш янада қийинлашади. Лекин мен ҳакамларни танқид қилмайман. Уларни ишини баҳолайдиган қўмита бор. Биринчи бўлимда рақиб футболчиларига бирорта ҳам огоҳлантириш кўрсатмай, бизга 3-4та сариқ карточка берилди. Аслида эса рақиб бизнинг ташкил этилаётган ҳужумларимизни тўхтатиб қолган вазиятлар бўлганди. Ҳакамлар қўмитаси бугунги ҳакамликни ўрганиб чиқиб, жазолаш керакми ёки йўқ, ўзлари ҳал қилишсин. 

- Лукич бугунги ўйинга киришиб кета олмади. Барчада бу каби ҳолат руй беради. Камига огоҳлантириш ҳам олди. Шу боисдан ҳам уни алмаштиришга қарор қилдим. Шунингдек, рақиб ҳам айнан чап қаноти орқали, бизнинг ўнг қанот ҳимоямиздан кўпроқ ҳужумга ўтиб, ўша ерда устунликка эгалик қилди. Гол ҳам айнан Лукич ўйнаган қанотдан юзага келди. Ҳар қандай ҳолатда ҳам Славко жамоамизнинг асосий таркиб футболчиси ва кейинги ўйинларда иштирок этади.

Рейтинг: +63   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг