Журналист Николо Скиранинг маълумотларига кўра, 34 ёшли хорватиялик футболчига "Фенербахче" ва "Галатасарой" клублари қизиқиш билдирмоқда.
Ўйинчига шунингдек "Беневенто" ҳам бефарқ эмас. Олдинроқ эса унинг "Локомотив" (Москва)га ўтиши борасида гап-сўзлар янграган эди.
Форвард "Ал Духайл" билан шартнома бекор қилинганини ва эркин агент бўлганини эълон қилди. Футболчи Қатар чемпионатида 5та ўйинда майдонга тушиб, гол ҳам, ассист ҳам қайд эта олмади.
