“Манчестер Юнайтед”нинг янги хўжайинлари тен Хагнинг келажаги борасида бир қарорга келишди

Журналист Девид Орнштейннинг ижтимоий тармоқларда хабар беришича, “Манчестер Юнайтед”нинг янги хўжайинлари нидерландиялик мутахассиснинг ишидан мамнун ва уни клубнинг узоқ муддатли лойиҳасининг бир қисми сифатида кўришмоқда.

Тен Хаг 2022 йилнинг ёзида “Манчестер Юнайтед” бош мураббийига айланганди. Умумий ҳисобда, 53 ёшли мутахассис МЮ бош мураббийи сифатида барча турнирларда 97 та ўйин ўтказиб, шундан 60 тасида жамоаси ғалаба қозонган, 11 тасида дуранг ўйнаган ва 26 тасида мағлубиятга учраган.

Эслатиб ўтамиз, “Манчестер Юнайтед” АПЛ турнир жадвалида олтинчи ўринда бормоқда. “Қизил иблислар” 25 ўйинда 44 очкога эга.