"Манчестер Юнайтед" Каземирога Ла Лигадан ўринбосар топди

"Foot Mercato" маълумотларига қараганда, манкунианларнинг асосий трансфер мақсади — "Вильярреал"нинг 27 ёшли ярим ҳимоячиси Папа Гуйе. "Қизил иблислар" мураббийлар штаби сенегаллик футболчини жамоанинг таянч ярим ҳимоячиси позицияси учун идеал номзод деб кўрмоқда.

Хабар қилинишича, Гуйенинг бозор қиймати сўнгги Африка Миллатлари Кубогидаги ажойиб ўйинидан кейин сезиларли ошган, у ерда Папа Сенегал терма жамоасининг ҳақиқий қаҳрамонига айланган. Унинг таянч ҳудуддаги ишончли ўйини ва жисмоний кўрсаткичлари Европанинг етакчи клублари эътиборини тортган, аммо ҳозирча энг катта қатъиятни айнан "Манчестер Юнайтед" кўрсатяпти.

Бироқ трансфер осон бўлмаслиги мумкин, чунки футболчининг "Вильярреал" билан битими 2028 йилгача мўлжалланган. Испания клуби ярим ҳимоядаги етакчисини арзон нархга қўйиб юбормоқчи эмас, айниқса, Гуйега даъвогарлар рўйхати ортиб бораётган бир пайтда.