"Манчестер Сити" юлдузи Англия таъсиридаги мамлакатни Испанияники деб атади
16 июл 21:35
Янгиликлар

"Манчестер Сити" юлдузи Англия таъсиридаги мамлакатни Испанияники деб атади

Испания терма жамоаси ва "Манчестер Сити" ярим ҳимоячиси Европа чемпионлигини қўлга киритгандан сўнг тантанада қўшиқ куйлади.

Англияни мағлуб этиб, қитъа чемпионлигини қўлга киритган испанлар Мадрид шаҳридаги Сибелес майдонида ўтган байрам ташкил этишди. Унда футболчилар томонидан дил изҳорлари айтилиб, турли қўшиқлар айтилди.

Тантанада "қизил фурия" ярим ҳимоячиси Родрининг сўзлари диққат марказида бўлди. У ўнг минглаб мухлислар қаршисида Англия таъсири остида бўлган Гибралтарни Испанияники дея куйлади.

Терма жамоа сардори Альваро Мората унинг қаршисига бориб, "Англия Премьер-лигасида ўйнаётганингни унутма, дўстим", дея эслатган. Родри эса "Менга фарқи йўқ", дея жавоб берган.

Эслатиб ўтамиз, Пиреней яриморолида жойлашган Гибралтар узоқ йиллардан бери Британия ва Испания ўртасидаги мунозарали ҳудуд ҳисобланади. Британия 1713 йилдан бери ҳудудни назорат қилади, бироқ испанлар бу ерларни ўз мамлакатига қайтарилиши керак деб ҳисоблайди.

Ҳавола :

Манба : Express

Янгиликларни Телеграмда ўқинг!

Рейтинг: +10