"Манчестер Сити" собиқ сардори оғир хасталикка чалинди

Шотландиялик футболчи X ижтимоий тармоғида ўзида кам учрайдиган ва оғир касаллик — Рамсей Хант синдроми аниқланганини билдирди:

"Қисқача янгилик: менга кўп хабарлар келяпти, чунки маълумот тарқалиб кетди. 9 кун олдин менга ташхис қўйилди — Рамсей Хант синдроми фалажи. Бу вирус сабаб миядаги бош суяги нервининг шикастланишидир.

Тикланиш 6-8 ҳафта давом этиши мумкин, балки 1 йилдан ҳам кўпроққа чўзилар. Аммо тўлиқ соғайиш эҳтимоли 70%. Мен буни енгаман. Бугун тўққизинчи кун — эҳтимол, энг оғири. Фақат ҳолатим ҳақида янгилик беришни истадим — ҳар икки ҳафтада бир марта алоқага чиқиб, аҳволимни айтиб бораман. Тинглаганингиз учун раҳмат".

Тезроқ соғайиб кетиш тилакларига "Манчестер Сити" ҳам қўшилиб, унга ҳар бир қадамда ёрдам беришини маълум қилди.