"Манчестер Сити" Родри билан шартномани 2027 йилга қадар узайтирди
12 июл 2022 16:55
Янгиликлар

"Манчестер Сити" Родри билан шартномани 2027 йилга қадар узайтирди

"Манчестер Сити" ярим ҳимоячи Родри билан шартнома узайтирилганини эълон қилди.

26 ёшли испаниялик билан янги келишув 2027 йилнинг июнь ойи сўнггига қадар мўлжалланган.

"Манчестер Сити"га ўтиш — фаолиятимдаги энг яхши қарор. Клуб менга илк сонияларданоқ ёққанди. Мухлислар мени ажойиб кутиб олишди. Мен даражамни ажойиб тарзда кўтардим, бунинг учун Хосеп Гвардиола ва унинг штабига раҳмат айтмоқчиман. Улар имкониятларимни максимал тарзда кўрсатишга ёрдам беришмоқда, мен эса уларнинг меҳнатини қадрлайман", — дейди Родри.

Родри "Манчестер Сити"га "Атлетико"дан 2019 йилнинг июлида ўтган эди. Футболчи ўтган мавсум "шаҳарликлар" таркибида барча мусобақаларда 46та ўйинда майдонга тушиб, 7та гол ва 8та ассист қайд этди.

Ҳавола :

Манба : mancity.com

Янгиликларни Телеграмда ўқинг!

Рейтинг: +1