Манба: Модрич "Реал" билан янги шартнома имзолади
29 май 2022 20:30
Янгиликлар

Манба: Модрич "Реал" билан янги шартнома имзолади

Мадриднинг "Реал" клуби хорватиялик ярим ҳимоячиси Лука Модрич билан келишувни узайтирди, дея хабар берди журналист Фабрицио Романо.

Манбага кўра, 36 ёшли ярим ҳимоячининг "қироллик клуби" билан янги шартномаси 2023 йилнинг ёзига қадар мўлжалланган.

Қайд этилишича, томонлар икки ой аввал янги шартнома борасида тўлиқ келишиб олишган, бироқ бу келишув оғзаки бўлган. Энди барча керакли ҳужжатлар имзоланди ва фақат "Реал Мадрид"нинг расмий баёнотини кутиш қолди.

Кеча Модрич "Реал" билан биргаликда навбатдаги Чемпионлар Лигасида ғалаба қозонди. Бу клуб учун ўн тўртинчи, Лука учун эса бешинчи шундай соврин эди.

Ҳавола :

Манба : championat.asia

Янгиликларни Телеграмда ўқинг!

Рейтинг: +12