Маъмуржон Отақулов: "Йигитларда чарчоқ аломати кўриниб қолди"
01 июн 2023 23:17
Янгиликлар

Маъмуржон Отақулов: "Йигитларда чарчоқ аломати кўриниб қолди"

Ўзбекистон кубоги мусобақасининг 3-туридан ўрин олган "Андижон SGS” - “Ғиждувон" (5:2) учрашувидан сўнг меҳмонлар мураббийи Маъмуржон Отақулов матбуот анжуманида иштирок этди.

Ўйин ҳақида

- Бугунги ўйин ҳақида айтадиган бўлсам, 3-4 нафар асосий футболчиларимиз жароҳат сабаб ўйинга кела олишмади. Бундан ташқари йўлда тирбандликларга дуч келдик. Анча вақт мобайнида йўлда қолиб кетдик. Шу боисдан ҳам тайёргарлик жараёни кўнгилдагидек бўлмади.

- Биринчи бўлимнинг 20-дақиқасидаёқ 3 та тўп ўтказиб юбординглар. Бунга қандай изоҳ берасиз?

- Йигитлар балки ўйинга масъулият билан ёндашмагандир. Бош мураббийимиз бетоблиги сабаб ўйинга кела олмади. Қолаверса, бизда чарчоқ аломатлари ҳам кўриниб қолди.

- Жамоангиз футболчилари майдонда ўзаро тортишиб кетишди. Тартиб-интизом борасида муаммолар борми?

- Жуда тез голлар ўтказиб юбордик. Бунақа холатда ҳар қандай жамоада кайфият яхши бўлмайди.

Ҳавола :

Манба : championat.asia

Янгиликларни Телеграмда ўқинг!

Рейтинг: