Магуайр: "Умид қиламанки, мени у ерда илиқ кутиб олишади"

Магуайр "Шеффилд Юнайтед" академиясида ўсган ва ушбу клуб шарофати билан футболдаги энг муҳим тажрибаларни орттирган.

Жамоа таркибидаги доимий ўйин амалиёти уни "қизил иблислар"нинг сардори ва Англия термасидаги асосий ҳимоячилардан бирига айлантиришда муҳим ҳисса қўшди.

"Омадим келган. Ушбу жамоа таркибида ўйнаб, катта тажриба тўплаганман. "Шеффилд" таркибида 3-4 йилда ҳар мавсумда 50тадан учрашувда қатнашганман.

Бу менга жуда, жуда ёқарди. Футболда катта амалиётга эга бўлиш учун доимий ўйнашни истардим. Мураббийлар штаби эса менга бу имкониятни тақдим қилишди. Ҳаттоки ёш бўлсам ҳам улар менга доимий ишонч билдиришарди.

"Шеффилд Юнайтед" мухлислари мени биринчи кунданоқ қўллаб-қувватлашган ва шу боисдан улардан мамнунман.

"Брэмолл Лейн"га қайтганимда жамоа мухлислари мени илиқ қарши олишади деган умиддаман. Ушбу мавсумда "Лестер" мухлислари мени "Олд Траффорд"да юқори даражада кутиб олишганди!

"Шеффилд" мавсумни яхши бошлади. Бироқ ҳар қандай рақибга қарши ўйнасам ҳам, ўз ишимни бажаришим керак. Мавсумнинг қолган қисмини яхши ўтказишга ҳаракат қиламиз", - деди Магуайр.