Луис Диаснинг "Барселона"га ўтишига Исаак ёки Экитике сабабчи бўлиши мумкин
18 июл 10:54
Янгиликлар

Луис Диаснинг "Барселона"га ўтишига Исаак ёки Экитике сабабчи бўлиши мумкин

"Ливерпуль" клуби "Ньюкасл" ҳужумчиси Александр Исаак ёки "Айнтрахт" форварди Уго Экитикени сотиб олишга ҳаракат қилмоқда.

Бу эса жамоа вингери Луис Диаснинг "Барселона"га трансферига йўл очиши мумкин.

Манбага кўра, Исаак ҳам, Экитике ҳам Диас фаолият юритадиган қанотда тўп суриш қобилиятига эга ва бу трансферлар "Ливерпуль"нинг колумбиялик футболчига бўлган эҳтиёжини камайтириши мумкин.

Шу билан бирга, "Барселона" президенти Жоан Лапорта ва спорт директори Деку "Ливерпуль"даги трансфер янгиликларини диққат билан кузатмоқда. Улар Луис Диасни жамоага олиб келишда жиддий манфаатдор ҳисобланади.

Айни вақтда, Диас "Ливерпуль"нинг янги шартнома борасидаги таклифини қабул қилмаган. У ушбу шартларни етарли даражада муносиб деб топмаган ва бу ҳолат унинг жамоани тарк этиши эҳтимолини янада кучайтирмоқда.

Аввалроқ ОАВда тарқалган маълумотларга кўра, "Ливерпуль" "Ньюкасл" билан Исаак масаласида музокаралар олиб борган ҳамда "Айнтрахт"га Экитике учун 81,2 миллион евро таклиф қилган.

Ҳавола :

Манба : Marca.com

Янгиликларни Телеграмда ўқинг!

Рейтинг: +1