Лопетеги: "Атлетико" - рақиб хатоларидан фойдаланиш бўйича мутахассис"
16 авг 2018 11:02
Янгиликлар

Лопетеги: "Атлетико" - рақиб хатоларидан фойдаланиш бўйича мутахассис"

"Реал" бош мураббийи Хулен Лопетеги "Атлетико"га қарши бўлиб ўтган УЕФА Суперкубоги учун баҳс ҳақида фикр билдирди.

Таллиндаги "Ле Кок Арена"да ўтган ўйин 4:2 ҳисобида "Атлетико"нинг ғалабаси билан якунланди.

"Одатда финалларда кўп хато қилган жамоа мағлуб бўлади. "Атлетико" - рақиб хатоларидан фойдаланиш бўйича мутахассис. Олға ҳаракатланишда давом этамиз.

"Атлетико" ўзи яратган вазиятлардан унумли фойдаланди. Асосий вақтни 2:2 ҳисобида якунладик. Баҳснинг катта қисмида биз устунлик қилдик. Шундан сўнг рақиб ҳисобни 3:2га етказди. Таваккал қилдик ва одатий ўйин услубимиздан воз кечдик.

Биринчи экстра таймда жамоа яхши ўйнади, аммо учинчи гол бизни рухан синдирди. Ўша пайтда мағлуб бўлдик. Жавоб голини уришга ҳаракат қилдик, аммо рақиб тўртинчи марта дарвозамизни ишғол қилди.

"Реал" футболчилари кўплаб совринларни қўлга киритишган. Ҳа, чемпионатда улар истаганига эриша олишмади, аммо бор эътиборни янги мавсумга қаратамиз. Эртага Испания чемпионати ҳаёли билан уйғонишимиз керак" - дейди Лопетеги.

Ҳавола :

Манба : UEFA

Янгиликларни Телеграмда ўқинг!

Рейтинг: -5