"Локомотив"нинг "Ал Ҳилол" билан ўйинга тайёргарлиги давом этмоқда
21 май 2016 20:04
Янгиликлар

"Локомотив"нинг "Ал Ҳилол" билан ўйинга тайёргарлиги давом этмоқда

Хабарингиз бор, 24 май куни "Локомотив" Тошкентда Саудия Арабистонининг "Ал Ҳилол" клубини қабул қилади.

Осиё чемпионлар лигасининг 1/8 финалидан ўрин олган мазкур баҳсга "темирйўлчилар" тайёргарликни жиддий тарзда олиб боришмоқда.

17 май куни Ар Риёд шаҳрида бўлиб ўтган баҳсда 0:0 ҳисоби қайд этилганди. "Бунёдкор" стадионида бўлиб ўтадиган жавоб беллашувида "Локо"ни фақат ғалаба қониқтиради. Жамоамизнинг мақсади Тошкентда "Ал Ҳилол"ни енгиб, кейинги босқичга йўл олиш.

"Темирйўлчилар" жуда муҳим ўйинга тайёргарликни ТТЗдаги "Локомотив" стадионида олиб боришмоқда. Барча йигитлар ғалаба илинжида астойдил меҳнат қилишяпти. Ҳамманинг мақсади бир - "Ал Ҳилол"ни мағлуб этиб, ўзбекистонлик мухлисларга қувонч улашиш. Зеро, бу йилги чемпионлар лигасида барчанинг эътибори фақат "Локомотив"га қаратилган.

Эслатиб ўтамиз. 24 май куни "Бунёдкор" стадионида бўлиб ўтадиган "Локомотив" - "Ал Ҳилол" учрашуви соат 18:00да бошланади.