"Локо" атрофидаги гап-сўзлар тўғриси, барчамизни эсанкиратиб қўйди. Бизнинг жамоадошлар, айниқса, Кахи бундай қилмаган бўлиб чиқишини жуда-жуда хоҳлардим.
Аммо ижтимоий тармоқларда тарқалаётган маълумотларнинг барчаси ўз тасдиғини топадиган бўлса, билмадим, жамоада қандай муҳит юзага келади, қалбимизда қандай туйғулар жунбуш уради. Чунки мушкул ҳолатдан чиқиб кетиш ниятида жон-жаҳди билан тиришаётган "Локо кемаси"даги аҳил жамоа орасида эшкакни тескари эшаётганлар бўлса жуда алам қилади-да...
Майли, кутамиз. Қарши сафаридан сўнг бугун дам олаётган жамоа аъзолари эртага йиғилишади. Кўз-кўзга тик боққанда кўп нарса ойдинлашади...", – деди Пирриев телеграмдаги саҳифасида.
Олдинроқ ЎФА ва "Локомотив" клуби воқеа юзасидан баёнот билан чиққан эди.
