Дастлабки учрашув Тошкентда, «Қувайт СК»(Қувайт) - «Аш-Шабоб» (Ироқ) клублари ўртасидаги ўйини ғолибига қарши майдонга тушади.
Ўзбекистон клублари ичида Тошкентда ОЧЛ бахсларини биринчи бўлиб бошлайдиган «Локомотив» футбол клуби матбуот хизмати Осиё Чемпионлар лигаси учун аккредитация жараёни бошланганини маълум қилади.
Плей-офф беллашувларини бевосита «Пахтакор» стадиони медиа трибунасидан кузатишни хоҳлаган барча ОАВ ходимлари мазкур ҳужжатларни тақдим этишлари шарт:
- Иш жойидан жамоа матбуот хизматига расмий хат, паспорт нусхаси, 2 дона 3х4 ҳажмдаги фотосурат.
Шунингдек, ОФК томонидан белгиланган қоидага кўра, ҳар бир журналист махсус анкетани тўлдириши керак. Анкетани ҳужжатларни топшириш учун келганда тўлдириш имкониятига эга бўласиз.
Осиё Чемпионлар лигаси учун аккредитация жараёни бугунги сана 17 январдан то 1 февралга қадар давом этади.
