Айни пайтда футболчининг Мюнхеннинг "Бавария" клуби билан тугаётган шартномаси узайтирилгани ҳақида маълумот йўқ, шу боис ҳужумчи таклифларга очиқ. Инсайдерларнинг фикрича, "Ливерпул"да устунлик бор, чунки АПЛда А Сериядагига қараганда бир неча баробар кўпроқ маош таклиф қилинади.
Гнабри "Бавария" сафида 2018 йилдан буён ўйнаб келмоқда. Форвард жорий мавсум барча мусобақаларда 14 та ўйин ўтказиб, тўртта гол урди ва учта голли узатмани амалга оширди.
